Personal Information ng Kwentutero
Name:
mao a.k.a. kuyamao a.k.a. mao
Age:
Mahigit dalawang dekada ng nabubuhay pero kamakailan lang nagkamalay.
Birthday:
Buwan ng mga Puso (durog, biyak, sugatan, luhaan, sawi o masaya man) Ilang taon matapos patayin si Ninoy at bago magsimula ang original na People’s Power.
Address:
Sa isang lungsod sa isang probinsya sa may timog katagalugan na ang tawag ay “Duyan ng mga Bayani”.
Educational Background
Elementary:
Sa isang pampublikong paaralan sa kanyang bayang sinilangan.
Highschool:
Sa isang Catholic School na muntik ng hindi maka-graduate.
College:
Sa isang Catholic School ulit pero hindi parehong eskwelahan nung hayskul.
Course:
Batsilyer ng Agham sa Ligal na Pamamahala.
Tell something about yourself
Wala.
Wala na akong ibang masasabi na magiging interesado ka dahil hindi ako interisanteng tao.
Tell something about your blog
Wala naman ata akong ibang masasabi tungkol dito eh.
Except sa, ‘tong bahay-tambayan na ‘to ay ginawa ko bilang “Personal” na blog. Hindi ‘to humor, educational, health o informative na blog. Kung natawa ka o me napulot kang kaalaman o kalokohan o naaliw ka, pasensya ka na hindi ko sinasadya.
Except sa, ‘tong bahay-tambayan na ‘to ay ginawa ko bilang “Personal” na blog. Hindi ‘to humor, educational, health o informative na blog. Kung natawa ka o me napulot kang kaalaman o kalokohan o naaliw ka, pasensya ka na hindi ko sinasadya.
Kung ano lang ang tumatakbo sa utak ko, ‘yun lang ang makikita mo dito. Kung ano ang gusto kong sabihin, ‘yun ang mababasa mo dito. ‘Wag ka ng magreklamo kung corny, baduy o walang kwenta ang makikita mo dito. Ginawa ko ‘to para lang mailabas ko ang nasa utak ko — kung meron man. Kung gusto kong magpatawa, sana naging komedyante na lang ako. Kung gusto kong may matutunan ka sa akin, sana naging si Kuya Kim na lang ako. Kung gusto kong magbigay aliw, sana naging pick-up boy na lang ako at macho dancer.
Kung may pagkakapareho ang mga mababasa mo dito at mga naranasan mo sa buhay, malamang pareho tayong dalawa. Kung sa tingin mo eh me matutunan ka din naman talaga, salamat naman at naintindihan mo ang mga nakasulat dito. Kung sa tingin mo naman eh may mas maganda kang opinyon, welkam ka dito. ‘Wag lang kalimutang magbayad ng entrance fee. P100 lang consumable na ‘yun, isang beer tska isang platitong mani. Dagdag ka lang ng P500 kung gusto mo ng lamesa at upuan.
Salamat at Maligayang Paglalakbay!